Стравот е оружје на Ѓаволот што човекот сам го создал. Верата, насочена кон увереноста во себе е оружјето што го победува Ѓаволот и доведува до живот исполнет со победа и триумф. Нешто повеќе: тоа е врската со силите на универзумот. Бидете човекот кој верува дека неуспехот и поразот не се ништо друго, освен привремени искуства.
Ова сознание му припаѓа на мислителот и провокатор Наполеон Хил, еден од основачите на жанрот “самопомош” и еден од највлијателните истражувачи на успехот.
Пред повеќе од 70 години, за време на Големата депресија, самиот Наполеон Хил се чувствувал разочаран поради конфузната и непредвидлива иднина.
Тогаш, преку едно фенси (или можеби не) интервју со Ѓаволот, д-р Хил ни дава можност да го почувствуваме опипливото – кој е ѓаволот во нашите животи и она што го предизвикува тој.
Во свој стил Хил обраќа поглед кон нашите сопствени стравови, кои не држат во затвор и ни го дава клучот кон истиот – да го користиме највредниот ресурс – својот ум – за да управуваме со својот живот и да ги постигнеме своите цели.
Всушност, погледнете сами што вели Ѓаволот и како влијае тој во животот на милиони луѓе:
„Шесте најсилни видови страв кои ги сеам се: стравот од сиромаштија, критика, стравот за здравјето, стравот од загубата на љубовта, стравот од стареење и стравот од смртта. Во едно или друго време од животот му го стегам обрачот на човекот кон едното или другото. Сум го посеал семето на овие стравови во главите на луѓето толку вешто што тие веруваат дека тоа се нивните сопствени мисли. Веруваат дека јас стојам зад портата на нивниот живот, за да ги казнам за вечни времиња. Се разбира, никого не можам да казнам, освен во неговата сопствена имагинација преку некоја форма на страв.
Јас живеам каде што ќе посакам. Времето и просторот не постојат за мене. Моето омилено место во физичкиот свет е умот на посмртните суштества. Јас управувам дел од мозокот на секое живо суштество. Димензиите на мојот простор зависат од тоа колку ретко мисли човекот и на кој начин го прави тоа. Како што споменав веќе, не можам да го контролирам целосно човекот кој размислува.
Располагам со бесконечен арсенал на методи за да ги контролирам умовите на луѓето. Моето најголемо оружје е сиромаштијата. Континуирано ги обесхрабрувам луѓето да се здобијат со материјални добра, бидејќи сиромаштијата ги потиснува и ги спречува да мислат, а тоа ги прави лесни жртви.
Следниот мојот верен сојузник е расклатеното здравје. Нездравото тело ја слабее способноста за размислување.
Потоа – располагам со стотици илјади помошници на Земјата, кои ми помагаат да заработувам контрола врз умовите на луѓето. Овие агенти се постојано на располагање. Тие се во секоја трка, од секоја вероисповед, во секоја религија.
Сите кои ги инспирираат луѓето да мислат и да дејствуваат по сопствена волја, се мои непријатели. Такви се Сократ, Конфучие, Волтер, Емерсон, Томас Пејн и Абрахам Линколн.
Успеав да ги корумпирам умовите на младите, ги научив да пијат и да пушат, но тие возвраќаат на огнот, бидејќи имаат способност да расудуваат независно од мене.
Поседувам толку разновидни начини да влезам во човечкиот ум и да го контролирам што ми е тешко да кажам кои од нив се најмоќни. Токму во моментов се обидувам да разгорам нова светска војна. Ако можам да го убедам светот да почне да се убива сам, ќе успеам да прикачам масовно оружје за контрола над човечките мозоци – она нешто што вие го викате “масовна психоза”. Го користев за да да ја испровоцирам Првата светска војна во 1914 година. Го користев за Големата депресија во 1929 година. Гледаш колку сум блиску до целосна доминација – нешто што се борам да го постигнам од стотици илјади години.
Немам влијание врз човекот кој не се носи по течението – сега или кога и да било. Ги контролирам само слабите, а не оние кои мислат самостојно“.
