На Швајцарија и недостигаат голем број занаетчии кои моментално важат за најбарана работна сила на пазарот на труд.
Според официјалните податоци, на Швајцарија во моментов и недостигаат 42.778 занаетчии, а компаниите имаат вкупно 198.097 слободни работни места, покажуваат податоците објавени од JobChannel AG.
На пример, електротехничката компанија од Винтертур не може да најде електроинсталатери и сервисни техничари.
Во моментов се бараат околу 4.000 електромонтери, 2.260 инсталатери, 2.143 столари и околу 1.500 ѕидари и молери.
Швајцарија моментално ги анализира и причините за недостатокот на занаетчии, бидејќи не е јасно дали за тоа е виновна дигитализацијата или лошата положба на занаетчиите во општеството.
