Претседателката, како што соопштија од нејзиниот кабинет, ќе се состане со ректорите на државните универзитети „Св. Кирил и Методиј“ – Скопје, „Св. Климент Охридски“ – Битола, „Гоце Делчев“ – Штип, Универзитетот во Тетово и „Мајка Тереза“ – Скопје
Еден ден откако официјално ја презема функцијата, Гордана Силјановска-Давкова денеска во вилата „Водно“ ќе ја одржи првата средба во улога на претседателка на државата.
![](https://365.com.mk/wp-content/uploads/2024/05/25_wlaUpHEti-1024x682.jpg)
![](https://365.com.mk/wp-content/uploads/2024/05/25_wlaUpHEti-1024x682.jpg)
Новата претседателка, како што соопштија од нејзиниот кабинет, ќе ги прими на средба ректорите на државните универзитети „Св. Кирил и Методиј“ – Скопје, „Св. Климент Охридски“ – Битола, „Гоце Делчев“ – Штип, Универзитетот во Тетово и „Мајка Тереза“ – Скопје.
Во вилата „Водно“ вчера се одржа церемонија за примопредавање на функцијата претседател на државата. Дочекот на новата претседателка беше придружен со највисоки државни и воени почести, а по примопредавањето на функцијата Стево Пендаровски и Гордана Силјановска-Давкова одржаа тет-а-тет средба. Пендаровски ѝ ја честитал победата на Силјановска-Давкова и ѝ посакал успех во извршувањето на функцијата.
Претходно вчера, новата претседателка беше инаугурирана во Собранието каде што даде заклетва пред државниот врв, стариот пратенички состав, претставници на дипломатскиот кор и верските лидери.