Стигнавме и до 6-то издание на Фестивалот на нова музика -Здраво Млади. Утре, во сабота (4 јуни) на две сцени (Плато пред МКЦ и Хол МКЦ) ќе биде сместена програмата на овогодишното издание. Вратите се отвораат во 19:00, програмата започнува во 19:30.
Распоредот на настапи е следен:
19:30 TAJCIDO
20:00 FOLLAKZOID
21:15 LEE RANALDO TRIO
22:15 LIIMA
23:15 MOON DUO
00:30 LEGIJATA
01:15 DJ FITZ
Цената на влезниците во продажба уште денес е 300 денари, а утре цената на билетот ќе изнесува 400 денари. Понудата „Другарски Билет“ 5+1 гратис е достапна САМО на Билетарница МКЦ.
За најмладите, утре (од 12:00 до 17:00 часот) во Детскиот креативен центар при МКЦ ќе има и креативна работилница и креативна програма за најмладите, каде што аудио-визуелните артисти Леонина Корнети Пекевска и Доротеј Нешовски ќе се погрижат да ја развијат и негуваат креативноста, иновацијата и инспирацијата кај децата низ различни игри, задачи, креации и размислувања внимавајќи на возраста и ектровертноста или интровертноста на на секое дете посебно.
