Аугуст Ландмесер, осамениот Германец кој одбил да ја крене раката исправена во воздух пред Хитлер на собирот во 1936-тата година, инаку бил лојален нацист.
Нацистичката партија во Германија во 1930-тата година го прифатила познатиот поздрав на Хитлер “Sieg Heil” или “да живее победата”, како задолжителен за сите германски граѓани, сè со цел да ја демонстрираат верноста кон фирерот, неговата партија и нацијата.
Аугуст Ландмесер, осамениот Германец кој одбил да ја крене раката исправена во воздух пред Хитлер на собирот во 1936-тата година, инаку бил лојален нацист. Им се приклучил на нацистите во 1931-та година и почнал постепено да се пробива во партијата, која со време станала единствена легална политичка сила во земјата.
Две години подоцна, Ландмесер лудо се заљубил во Ирма Еклер, Еврејка која ја запросил кратко потоа, во 1935-тата година.
Кога било откриено дека е свршен со Еврејка, Ландмесер бил исфрлен од Нацистичката партија. И покрај тоа, тој со идната сопруга заминал да ја пријави свадбата во Хамбург. Сепак, поради новите нирнбершки закони, не добиле дозвола за такво нешто.
Една година подоцна, се случил собир на кој Хитлер го благословил новиот брод на воената морнарица. Додека сите отпоздравувале, Ландмесер стоел со прекрстени раце.
Во 1937-та година, Ландмесер се обидел да ја напушти нацистичка Германија и да побегне во Данска со семејството. Тој бил задржан на границата, а притоа и обвинет дека според нирнбершките закони ја “навредил својата раса”. Следната, 1938-ма година, Ландмесер бил ослободен поради недостиг на докази, па многумина го советувале да ја прекине врската со Еклер.
Со оглед на тоа дека тој немал намера да ја остави мајката на своето дете, решил да ја игнорира желбата на нацистите по што повторно бил уапсен во 1938-та година. Тогаш бил осуден на три годишна затворска казна во концентрационен логор.
Оттогаш тој не ја видел жената која ја сакал, ниту својата ќерка.
Тајната полицијата во тоа време ја уапсила и Еклер, која во тоа време била бремена со нивната втора ќерка. Малата Ирене ја родила во затвор, по што била пратена во женски концентрационен логор.
Се верува дека од таму била испратена во нацистички еутаназиски центар во 1942-та година, во кој била убиена заедно со уште 14.000 луѓе, пишува Business insider.
