Полициски службеници од Отсекот за превенција при СВР Тетово, во содејство со полициски службеници од Полициското одделение за безбедност на патниот сообраќај Гостивар, вчера (28 јули) на магистралниот пар Гостивар – Кичево спроведоа превентивна активност во рамки на кампањата „Вози внимателно и одговорно“, под мотото „Не користи мобилен телефон додека возиш“, при што на возачите им беа делени летоци со едукативна содржина.
Како што информира МВР кампањата е со цел подигнување на свесноста кај возачите дека користењето на мобилен телефон додека се управува моторно возило го одвлекува вниманието и ја намалува концентрацијата на возачот, а со тоа го зголемува ризикот за сообраќајни незгоди.
