Премиера на аматерскиот филм „Фи“ во Џебно Кино МКЦ

Вечерва во Џебно Кино МКЦ, во 20 часот, ќе се одржи бесплатна премиера на третиот аматерски филм на „Филмофилска продукција“, со наслов „Фи“.

“Знај дека душата е патникот, а кочијата е телото.
Знај дека умот е кочијашот, а интелигенцијата се уздите.
А коњите, што ги симболизираат сетилата,
го влечат телото по патот на сетилното спознание.”

Филмот го потпишува младиот автор Владимир Најдовски, како режисер и сценарист.

„Аматерскиот филм може да биде и 100% авторско дело. Недостатокот на ресурси прави да користиме веќе постоечки елементи кои можат да се преземат бесплатно од Интернет. Но, во последниот филм се обидовме да ја одбегнеме таквата пракса и делумно успеавме“, вели режисерот.

По трет пат, непрофитната „Филмофилска продукција“, која постои и создава веќе 3 години, а е формирана од млади филмофили и ентузијасти, прави обид да ја збогати македонската кинематографска сцена со визуелна естетика која не е во рамките на професионалниот филм, а нуди алтернативни решенија во кадрирање, монтажа, музика и сценска игра.

До сега имаат снимено 3 краткометражни филмови. Вториот филм „Иумидрум“ е снимен пред околу една година, а може да се види на Јутјуб, додека првиот има „специјален“ статус и за сега никој не може да го гледа.

Во продолжение, „Иумидрум“: