Иако сега е совршена за семеен живот, првичната намена на оваа резиденција била сосема поинаква. Овој дом што се наоѓа во Барселона некогаш бил дуќан за хемиско чистење.
Архитектот Карлс Енриџ завршил одлична работа и овој простор го претворил во дом во кој секој би сакал да живее.
Куќата зафаќа површина од 145 метри квадратни, а реновирањето било насочено кон оптимизирање на просторот кој е совршен за живот на едно модерно семејство. Терасата е централниот дел на целиот простор и е поврзана со дневната соба. Освен куќата, архитектот и стариот магацин што се наоѓа во дворот го претворил во современо место за уживање.
