Според првичните информации, повреденото лице е германски државјанин и е транспортирано во приватната клиника „Жан Митрев“ во Скопје
Германски параглајдерист е успешно транспортиран со полициски хеликоптер од Крушево во болницата „Жан Митрев“ во Скопје, соопшти Центарот за управување со кризи (ЦУК) попладнево. Оттаму соопштија дека денеска околу шест часот и десет минути на бројот за итни случаи 112 е добиена пријава за тешко повредено лице. Германецот има отворена скршеница на едната нога и како што велат од ЦУК, веројатна повреда на ‘рбетот.
„Лицето се наоѓаше на полетиштето за параглајдери пред Мечкин Камин во Крушево“,
велат од ЦУК.
![](https://365.com.mk/wp-content/uploads/2024/09/spasuvane-TSUK-1-1024x577.jpg)
![](https://365.com.mk/wp-content/uploads/2024/09/spasuvane-TSUK-1-1024x577.jpg)
Оттаму велат дека поради сериозноста на повредите, од екипата на итната медицинска помош и од градоначалникот на Крушево е побаран итен хеликоптерски транспорт, на што од страна на надлежните институции било одговорено позитивно.
![](https://365.com.mk/wp-content/uploads/2024/09/Spasuvane-TSUK-3-1024x577.jpg)
![](https://365.com.mk/wp-content/uploads/2024/09/Spasuvane-TSUK-3-1024x577.jpg)
Низ текот на изминатите месеци имаше неколку ситауции кога полициски хеликоптери транспортираа повредени лица, а последен во низата беше случајот со 68-годишна туристка од Чешка која имала скршеница на ногата која беше спасена на Галичица на околу 2 000 метри надморска височина. На жената прво ѝ беше дадена итна медицинска помош на самото место, а потоа со интервентен хеликоптерски превоз на МВР беше пренесена до најблиското место за давање соодветен медицински третман.