Необичен поткровен стан што крие многу тајни

Тајните оддели на извлекување, сместени на таванот, кријат функционални и забавни изненадувања во овој поткровен апартман во Мадрид, дело на Elii Architects.Меѓу нив – трпезариска маса, лулашка, мрежа за лежење и диско-топка.

Главната компонента е јадрото што ги содржи скалите, а е одделено од остатокот од подот со транспаренти панели. Овие лизгачки панели можат да се распоредат на различни начини и да оформат гостинска соба, да ја одделат кујната од остатокот од станот, или да го ослободат целиот под за приредување на забави.

На таванот од иверица се скриени повеќе функции, кои се активираат со рачки на ѕидовите. Повлечете една од нив и од таванот ќе се симне одредено парче мебел, било тоа кујнската маса, или лежалката за одмор. Исто така, на таванот се скриени и вградени плакари и полици за складирање на облека, обувки и разни други предмети во домот.

Ако се качите на вториот кат, ќе најдете дополнителни скриени оддели во подот. Еден од нив ги содржи продуктите потребни за бањата, а во другиот се крие огледало и разни козметички продукти. На другиот крај на собата, можат да се отворат серија од невидливи врати со кои можете да оформите гардеробер за пресоблекување, соба за чај со гости и дополнителен простор за складирање