Познатиот италијански пејач по втор пат рече „Да“…
Ерос Рамазоти по неколку години врска, се ожени со манекенката Марица Пелегринели, со која веќе има и двегодишна ќерка Рафаела Марија.
Марица и Ерос го изговорија судбоносното „Да„ во Милан, а невестата носела уникатен Валентино фустан, специјално направен за таа прилика.
Модната куќа Валентино ја споделила фотографијата на својот Инстаграм профил и напишала; „Тоа прави смисла. Сега се мажиш за Ерос Рамазоти, облечена си во дизајнерски фустан на кој е исткаена вашата љубовна песна!“
Фотографијата од венчаницата ја споделила и самата манекенка. „Нашата судбоносна рамноденица. Ви благодарам на сите!“, напишала таа.
За педесетгодишниот Ерос ова е втор брак, а поранешната сопруга Мишел Хунзикер исто така беше модел и манекенка.
