Добитникот на ланското признание за градоначалник на годината, кое „го доделува“ порталот „Центар.мк“, Петре Шилегов, и годинава е избран за најдобар градоначалник во земјава од страна на уредничкиот колегиум на порталот.
Ако лани причини за изборот на Шилегов од страна на „Центар.мк“ беа реализирањето на првиот дел од новоизградената траса од булеварот „Христијан Тодоровски Карпош“ во општина Бутел, почетокот на проектирањето на булеварот АСНОМ со мостот преку Вардар од Аеродром до населбата Ќерамидница, неговата активност и присуство во медиумите на дневна основа, започнувањето на процедурата за ветениот трамвај во Скопје и почнување на реализацијата на проектот за гасификација, годинава, како што образложува порталот, тоа се:
„ • Симултаното градење, реконструирање и обнова на патната инфраструктура во Скопје. За почит е брзината со која се реконструираат скопските улици и булевари. Централното градско подрачје речиси и да нема улица која што би требало да се обновува, по летната офанзива, кога тактички поради намалениот проток на возила за време на летните одмори, Шилегов и тимот се решија на една масовна офанзива на изградба.
• Борбата за повеќе зеленило во Скопје. Особен придонес е зелениот кров над ГТЦ, но и желбата на Скопје да му биде вратено зеленилото кое што беше искасапено за време на владеењето на режимот.
• Набавка на нови еколошки автобуси
• Активно се бори против загадyвањето. Самиот го промовираше возењето на електричен тротинет, користењето на јавен превоз. Работи на достапноста на алтернативните начини на греење, освен на дрва, како на пример на парно, а се залага и за гасифицирање на Скопје, со што ќе се намали аерозагадyвањето.. работа и соработка со граѓаните. Необичен и одличен начин на комуникација со граѓаните.
Шилегов е човек кој не се кpие, и секогаш е тука да одговори на актуелните предизвици, решавајќи ги. Често може да се види како лично е активен во најразлични ситуации низ Скопје“, пишува порталот.
