Палента е совршен оброк за појадок бидејќи е лесен, ви дава сила и чувство на ситост во остатокот од напорниот ден. Иако некогаш често беше на трпеза, сега е донекаде заборавено, но никогаш не е доцна повторно да го вклучите во менито.
Станува збор за многу здрава храна која се прави од гриз од пченка, можете да ја најдете во кеси и разни пакувања, а се подготвува на безброј начини, пишува Krstarica.
Пченкарното брашно или гризот имаат многу позитивно влијание врз општото здравје на луѓето. Палента не содржи глутен, па затоа е погодна за чувствителни на глутен, заситува и се препорачува за сите возрасти.
Оброк за слабеење
Палентата содржи природни масти, односно каротеноиди, а овие здрави масти се одговорни за подобро функционирање на нашите црева. Пченката содржи и големи количини на фосфор, магнезиум, цинк, калиум, бакар, селен и манган.
Благодарение на пченката, палентата има многу малку калории, што ја прави идеален оброк за слабеење. Таа е една од најдобрите и најефикасните намирници кои се препорачуваат за консумирање, бидејќи се подготвува брзо и лесно, вкусот е многу благ и пријатен, заситува и не создава чувство на тежина во стомакот.
Палентата треба да ја консумираме барем еднаш неделно, бидејќи ги чисти цревата и го забрзува метаболизмот, а сосема е непотребно да се каже колку е поздрава од производите во пекара. Покрај тоа, потребни се само 5 минути за да се подготви.
За една порција зовријте 2 dl вода, додадете сол и една лажица путер или масло. Кога водата ќе зоврие, тргнете ја од оган и додадете две лажици палента. Мешајте на тивок оган две до три минути. Во палентата можете да додадете сирење, павлака, ленено семе,јогурт, сончоглед, ајвар, а може да ја прелиете и со топло млеко.
