Од денеска почнува да се кaзнyва непочитување на Уредбата за носење на заштитна опрема, потсетува министерот за здравство Венко Филипче на социјалните мрежи.
Задолжително е носење на маска, марама или шал на устата и носот, во сите јавни објекти: државни институции, маркети, продавници, банки, пошти, јавен превоз, чекални, здравствени институции.
Носењето на заштитна опрема е задолжително и на отворени простори, секогаш кога не може да се одржува минимална дистанца од два метри меѓу граѓаните.
Заштитна опрема не е задолжителна за граѓаните кои престојуваат во двор на станбена семејна куќа, возат велосипед или спортуваат на отворено, (но со задолжително одржување на дистанца од два метри растојание).
Заштитна опрема не е задолжителна ако патуваат во моторно возило со лица кои заедно живеат, како и ако се наоѓаат на отворено каде може да одржуваат дистанца од два метри, потсетува Филипче.
„Да ги почитуваме мерките! #ЗаштитиСе“, апелира тој.
