Уставните измени со кои Собранието го изгласа новото име на државата вечерва ќе бидат објавени во Службен весник, потврдува директорот Мартин Костовски за „Нова ТВ“.
Денеска на платото пред Владата развеано беше знамето на НАТО, а во текот на денот разменета е и финалната дипломатска нота, соопшти министерот за надворешни Никола Димитров. Со тоа и официјално новото име на државата стапува во сила.
Официјалниот сајт на Владата веќе е апдејтиран. Таму веќе стои „Влада на Република Северна Македонија“.
„Тукушто ја разменивме и финалната вербална нота: Преспанскиот договор стапува на сила! Нека денес е почетокот на долго пријателство меѓу Грција и Северна Македонија. Не можеме да го смениме нашето минато, но можеме и ќе ја обликуваме нашата иднина на пријателство, партнерство и соработка“, порача Димитров на Твитер.
We have just exchanged the final note verbale: Prespa Agreement enters into force! May today be the beginning of a long friendship between Greece and North Macedonia. We can’t change our past, but we can and we will shape our future of friendship, partnership and cooperation.
— Nikola Dimitrov (@Dimitrov_Nikola) February 12, 2019
Следниот чекор е македонското МНР да го извести Секретаријатот, набљудувачите на Обединетите Нации, и другите меѓународни организации за настанатата промена.
