Необично, но практично – скали и кауч во едно

Холандската архитектонска фирма – 8A, изработи необична комбинација од мебел, заради потребите на модерниот дом на едно семејство од Париз. Ограничувањата на просторот и неподготвеноста на клиентите да жртвуваат ниту дел од креативноста во нивниот дом ги примораа архитектите да направат ваков мебелски микс, кој се покажа не само како неконвенционален, туку и многу практичен. Дрвената база само придодава на гостопримливоста и топлината на станот, и покрај севкупниот минималистички дизајн.