Во тек се последните подготовки и координација за настан со кој во Гостивар ќе се одбележи значајниот македонски празник 2 Август, Илинден. Целовечерниот концерт, според најавата ќе се одржи во пресрет на празничниот ден, на 1-ви август во летниот амфитеатар на кејот покрај Вардар.
Свеченоста е во организација на ГАКУД „Браќа Ѓиноски“ чии членови ќе имаат и свој настап. Покрај нив, како гости на настанот ќе се претстават играорците на КУД „Брвеница“, како и неколку локални музички изведувачи.
Концертот ќе започне во 20 часот.
