На Граничниот премин Деве Баир, на излез од државата, денеска во 02.20 часот полициски службеници го лишиле од слобода А.Ч.(43) од Република Турција поради тоа што приложил две фалсификувани зелени карти за товарно возило „ДАФ“ и полуприколка „Тирсан“ со турски национални ознаки, кои ги управувал.
Од МВР соопштија дека при извршена пасошка контрола и проверки било констатирано дека А.Ч. приложил две фалсификувани зелени карти за товарно возило „ДАФ“ и полуприколка „Тирсан“ со турски национални ознаки. Тој бил предаден на полициски службеници во Полициската станица Крива Паланка за понатамошна постапка.
