Мјузиклот “Мама миа” премиерно во Скопје

Светски популарниот мјузикл “Мама миа” ќе биде прикажан пред македонската публика на 11 март, во изведба на познатиот белградски театар “Позориште на Теразијама”.

Мјузиклот “Мама миа” е еден од најпознатите наслови на џубокс мјузикл жанрот, на кој сите сонгови се најголемите хитови на шведската група “Аба”. Од светската премиера во Лондон, овој мјузикл досега е изведуван во 40 земји, а го погледнале 50 милиони луѓе. Организатор на настанот во Скопје е “Теди медиа груп”. Од таму велат дека дополнително ќе се објават информации за продажбата и цената на билетите.

Локален копродуцент на овој мјузикл е познатиот скијач и олимпиец Јуре Франко, кој чекаше шест години за добивање на лиценцата за територијата на поранешна Југославија. По Белград, “Мама миа” доби свои верзии во Загреб и во Љубљана, а на 11 март за прв пат доаѓа и пред македонската публика.