На маргините на состанокот, министерот за одбрана Владо Мисајловски остварил средби со своите колеги од Бугарија, Албанија, Косово и со заменик-министерката за одбрана на Романија. Ја потврдиле заложбата за траен мир во Европа
Нашата земја останува посветена кон поддршката за Украина и украинските граѓани – е пораката која министерот за одбрана Владо Мисајловски ја испратил од состанокот на Контакт-групата за Украина што се одржа денеска во Рамштајн, Германија. На состанокот по првпат учествуваше и украинскиот претседател Володимир Зеленски.
![](https://365.com.mk/wp-content/uploads/2024/09/MO-Misajlovski-Kontakt-grupa-za-Ukraina-Ramstajn-09.2024-6-1024x683.jpeg)
![](https://365.com.mk/wp-content/uploads/2024/09/MO-Misajlovski-Kontakt-grupa-za-Ukraina-Ramstajn-09.2024-6-1024x683.jpeg)
На состанокот, како што информираат од Министерството за одбрана, била потврдена потребата од почитување на принципите на меѓународниот правен поредок и недвосмислено била изразена поддршка за независноста и одбраната на територијалниот интегритет и суверенитет на Украина.
![](https://365.com.mk/wp-content/uploads/2024/09/MO-Misajlovski-Kontakt-grupa-za-Ukraina-Ramstajn-09.2024-1-1024x678.jpeg)
![](https://365.com.mk/wp-content/uploads/2024/09/MO-Misajlovski-Kontakt-grupa-za-Ukraina-Ramstajn-09.2024-1-1024x678.jpeg)
На маргините на состанокот на Контакт-групата на Украина, како што додаваат од Одбрана, министерот Владо Мисајловски остварил средби со своите колеги од Бугарија, Албанија, Косово и со заменик-министерката за одбрана на Романија. Ја потврдиле заложбата за траен мир во Европа.
Инаку, Контакт-групата за Украина ја сочинуваат 57 земји, меѓу кои сите 32 членки на НАТО-алијансата. Под лидерство на САД, со ова тело се координираат напорите за помош и поддршка за Украина.