Управата за хидрометеоролошки работи за денес (4 август) издаде предупредување за дестабилизација и невреме.
„Денес претежно во западните делови наместа ќе биде нестабилно со пороен дожд и грмежи, а ќе има и услови за појава на краткотрајно невреме со интензивен пороен дожд, силен ветер и град.“, се вели во предупредувањето на УХМР.
Долж Повардарието ќе дува засилен северен ветер. Минималната температура ќе се движи од 13 до 22, а максималната ќе биде во интервал од 27 до 37 степени Целзиусови. УВ индексот ќе изнесува 8.
