Кога ќе кажеме мед и млеко помислуваме на сите благодети на овој свет, а овој пат ви носиме рецепт за благотворна маска од мед за лице.
Дали сте знаеле дека медот е најдобар лек против мозолчињата и сувата кожа и дека го забавува појавувањето на бори на лицето? Маската од мед се користи одамна, а ако не сте наследиле некој рецепт, запамтете еден од овие, во зависност од намената:
Маска од мед за сува кожа
Состојки: 1 јајце, 1 лажица мед
Подготовка: Помешајте ги јајцето и медот, нанесете ја маската на лице и оставете ја од 15 до 20 минути. Измијте ја со млака вода.
Маска од мед против акни
Едноставно нанесете лажичка мед на чиста кожа и оставете 15 минути. Измијте со топла вода.
За да се ослободите од мозолчињата, нанесете мед директно на мозолчето и тоа пред спиење. Ставете газа. Медот ќе го држи стерилно подрачјето околу мозолчето и ќе спречи ширење на бактериите.
