Територијата на Сирија е практично поделена на пет дела, руската сила се наоѓа на делот кој им припаѓа на официјалните власти…
Руското Министерство за одбрана објави мапа на Сирија, со исцртани гранични територии кои ги завземаат силите што војуваат меѓусебно.
Еве ја мапата.
Во продолжение прочитајте кој против кого војува во Сирија.
САД
Кого го поддржуваат: Подобро умерените фракции помеѓу сириските бунтовници. Против кого војуваат: Владата на Башар Асад, „Исламска држава“ и други екстремистички групи. Како војуваат: САД предводат меѓународна коалиција, која нанесува воздушни напади по позициите на „Исламска држава“ во Ирак и Сирија. Одржуваат тајна програма за обука и вооружување на сириските бунтовници, со што Пентагон има посебна програма за вежбање на умерените сириски бунтовници за воени дејствија против „Исламска држава“.
Русија
Кого поддржува: Башар Асад, претседателот на Сирија. Против кого војува: „Исламска држава“, кон која се приклучија неколку илјади млади Руси. Русија вели дека стравува од одмазднички цели на исламисти на своја територија. Западните земји стравуваат дека Москва го користи ова како оправдување за да се покаже со заканите против владеењето на Асад. Како војува: Русија одамна испорачува оружје за Сирија, но од 30 септември почна да нанесува воздушни напади, го поразуваше западниот град Хомс според високи американски претставници. Бунтовниците, кои се противат на режимот на Асад, тврдат дека биле цел на ударите. Според податоците на САД пред неколку недели Русија започна да располага со борбена техника – вклучувајќи 32 воени авиони и војници, во близина на аеродромот во Латакија. Руски беспилотни летала вршат разузнавачки летови над областите контролирани од противниците на Асад.
Турција
Кого поддржува: Меѓународна коалиција предводена од САД и не толку очигледно – бунтовнички фракции во Сирија. Против кого војува: Претежно против владата на Асад и курдските групи блиски до забранетата Турска Курдистанска работничка партија (ПКК); официјално војува и со „Исламска држава“. Како војува: Во јули Турција започна воздушни напади и воени напади најмногу во северен Ирак против позициите на ПКК. Освен тоа им дозволи на коалицијата предводена од САД да користи турски воздушни бази. Од почетокот на конфликтот Турција овозможува низ нејзината територија слободно да поминуваат резерви со оружје за сириските бунтовници, како и за волонтерите кои сакаат да се вклучат во борбата против Асад. Анкара им дала азил и на неколку опозициски фигури.
Иран
Кого поддржува: Башар Асад и сириската влада. Против кого војува: против сунитски бунтовници, „Исламска држава“ и други сунитски екстремисти. Како војува: Иран е лојален сојузник на Сирија и на нејзините војници им обезбедува воена помош, оружје, материјали и финансиски средства од избувнувањето на конфликтот во 2011 година. Во 2012 година либанската група „Хезболах“, блиска до Иран, се вклучи во граѓанската војна на земјата и на режимот. Во следната година Техеран испрати стотици воени експерти да и помогнат на армијата на Асад, а „Хезболах“ е посветена на полн обем со акција за да ги победи бунтовниците. Но заземањето на повеќе територии во Сирија од страна на сунитски групи и „Исламска држава“ им олеснаа на сириската армија. Постојат знаци дека Иран чува ресурси, за да ги заштити владините тврдини, вклучувајќи го и главниот град Дамаск и областите долж границата со Либан и околу Средоземното Море.
Саудиска Арабија
Кого поддржува: Голем број опозициски групи, кои се борат со силите на Башар Асад. Против кого војува: против Асад и сириската влада. Како војува: Во ОН саудискиот министер за надворешни работи Адел ал Жубер изјавил дека под никакви околности неговата земја нема да ги прифати напорите на Русија да ги зацврсти позициите на Асад. Жубер предупредил дека ако не биде постигнат договор за отстранување од власт на сирискиот претседател, испораките на оружје и друг вид на помош за бунтовниците ќе се зголемат. Освен тоа Ријад истакнал дека при таков развој на настаните воената интервенција за отстранување на Асад останува како опција. Освен што помага опозициски фракции во Сирија пред една година Саудиска Арабија се приклучи на коалицијата предводена од САД меѓународна коалиција против „Исламска држава“.
Катар
Кого поддржува: Голем број бунтовнички групи. Против кого војува: против Асад и сириската влада. Како војува: Катар и земјите од Персискиот залив ги финансираат сириските групи, кои се борат со режимот на Асад. Катар испорачува оружје за бунтовниците и ги едуцира. Во 2013 година земјата ги снабди со преносни ракетно-анти-авион комплекси и покрај предупредувањата на САД, дека еден ден овие оружја можат да се користат од терористичките групи. Во Катар се наоѓа и најголемата воздушна база на меѓународната коалиција против „Исламска држава“.
Велика Британија
Кого поддржува: Поумерените елементи помеѓу бунтовничките групи во Сирија. Против кого војува: против владата на Асад, „Исламска држава“ и други исламистички организации. Како војува: Поради силното противење на парламентот за нанесување на удари во Сирија засега Британија учествува само во воздушните операции на меѓународната коалиција во Ирак. Лондон нанесе удар и со беспилотен авион во Сирија, при што загинаа двајца британски државјани, за кои се смета дека се приклучиле на „Исламска држава“.
Франција
Кого поддржува: Поумерените елементи помеѓу бунтовничките групи во Сирија. Против кого војува: против владата на Асад, „Исламска држава“ и други исламистички организации. Како војува:ПОкрај огромниот бегалски проблем во Европа и зголемениот број на европски граѓани, кои се приклучија во редовите на „Исламска држава“, Франција неодамна го прошири учеството во меѓународната коалиција со воздушните напади во Сирија освен во Ирак.
