„Судскиот совет наместо да делува законски и да презема дејствија против незаконските постапувања на одредени судии и претседатели на судови, цело време неодговорно се бранат со јавна покана за учество на министерот на седници каде не може да присуствува заради препораките на ГРЕКО и законот.
Сите овие месеци откако ја презедов одговорноста да бидам носител на функцијата министер за правда, од нив имам побарано само да го почитуваат законот и ништо друго“, порача министерот Кренар Лога по критиките од Судскиот совет.
„Во јавноста се силат дека се конструктивни, а во позадина чуваат предмети за да застарат.
Не може одговорен орган да има двојни аршини, за некој морков а за друг стап за доделување моќ.
Одредени членови на Судски совет се свесни дека е време да си заминат дома, а исто така е дојдено време и да одговораат за сите преземени дејствија во минатото што ќе биде санкционирано со новите измени на законот“, вели Лога.
Одговорност мора да има и ќе има. Законот над сè и пред сè, порача тој.
Истовремено, Лога обвини дека Судскиот совет има храброст да му се спротистави на министерот, а нема грам храброст кога истите ставови се кажуваат и од меѓународните претставници.
