Димо и Џон, познати како Lazy Kids Visualz се луѓето кои визуелно го украсуваат сценскиот простор, а се почесто можете да ги видите низ Скопје, па и пошироко.
Тие за себе велат дека се едни од ретките кои што се занимаваат со оваа работа во Македонија, а целата инспирација ја црпеле сложувајќи ги нештата кои ги гледале и ги прифатиле како постулати во нивната понатамошна работа.
Во тој контекст ги издвојуваат Laibach и целиот аудио-визулен концепт кои го имаат на нивните живи настапи.
– Секако ние бевме позаинтересирани за визуелниот дел, затоа и продолживме да се развиваме на тоа поле. Цела оваа авантура започна на почетокот од оваа година кога имавме само желба и идеа за тоа што би работеле во иднина“, додаваат тие за 365.
– Од тогаш имаме настапувано на повеќе забави во Скопје, Бош Фестивалот во Гевгелија, Бела Ноќ на Школка заедно со Радио МОФ, забавата на Јури Хулконен во организација на Pure Soul и други.
Во моментов соработуваат и со младиот продуцент/DJ Владимир Кескоковски-Кеско, со кој заедно работат на проектотKeskoLive.
– Во принцип настапуваме секаде каде што ќе не поканат, меѓутоа најчесто сме во клубот Капан Ан и Папаја заедно со момците од DropSeries и Tечна Кујна/BTKRSH.
Ако не сте запознаени со нивната работа, погледнете го следното видео, а ако сте , продолжете да ги следите.
[youtube]http://youtu.be/9q2jQFDn3OM[/youtube]
