Американската пејачка Лана дел Реј на завчерашниот концерт во Лос Анџелес премиерно ја отпеа својата најнова песна Body Electric. Концертот се одржа во театарот „Ел Реј“.
Песната може да се слушне на видеото што еден од нејзините обожаватели го снимил за време на концертот. Нејзиниот краток настап кој траел само четириестина минути е оценет со генерално позитивни критики, а и покрај досегашните негативни реакции за нејзините изведби во живо, овој пат таа покажала дека умее да пее, пишува nme.com.
Лана дел Реј досега има издадено два студиски албуми, а вториот насловен Born to Die, доживеа голем комерцијален успех благодарение на популарните синглови Born to Die, Blue Jeans, Video Games и Summertime Sadness.
{youtube}BrPjNInRjxU{/youtube}
