Мајкл Џексон ја менува музичката историја и поп културата, независно од сите скандали и гласини околу неговата личност.
Можности да биде споменуван како еден од најголемите поп музичари никогаш не недостасуваат, но сепак годишнината од појавата на “Thriller” го прави пишувањето за него задолжително.
Мајкл Џексон е контроверзна личност, жртва на сопственото време, семејство и слава, но неоспорен талент и музички гениј. Тој прави револуција во 80-тите и се уште држи рекорди.
Покрај музиката, Џексон прави нешто што никој во тие години не си го дозволил – кратки филмови во неговите музички спотови.
Мајкл Џексон прв ги создава т.н. Short movies. Најпознатите меѓу нив се “Thriller”, “Bad” и “Liberian girl”. Осумстотини илјади долари се потрошени за сценографијата, танчери и сè околу видеото на “Thriller”. Секоја пара сепак се исплатела.
Вториот клип од овој тип е за песната “Bad”.
Видеото е симено од самиот Мартин Скорсезе. Тоа чини 2 милиони и 200 илјади долари, а целосната верзија трае цели 18 минути – за четири пати повеќе од големиот “Thriller”. Најпопуларната верзија која може да се најде на интернет, сепак, е скратена до 7-8 минути.
Третото големо видео е потценетото – “Liberian girl”. Ова е прв “мејкинг” и во него доброволно учествуваат ѕвездите Џон Траволта, Оливија Њутн Џон, Вупи Голбарт, Дани Гловер, Роза Аркет, Стивен Спирберг и кој ли уште не. Сите тие во моментот на видеото се на врвот од својата слава, како и самиот Џексон.
Се разбира дека Мајкл не запира тука со најдобра продукција. Години по овие парчиња, тој продолжува да произведува музика и видео клипови, достојни за злато и награди.
Во спотот “Remember The Time”, кој се појавува во 1992-та, учествува и ѕвездата Еди Марфи, а во “In The Closet” самата Наоми Кембел.
Во 1991-та Мајкл Џексон го објавува и видеото “Black or White”, во кое што учествуваат ѕвездите Меколи Калкин – двајцата доста блиски во тоа време и Џорџ Венди.
Во овој клип за првпат се пушта во оптек morphing – посебна компјутерска техника и ефект, благодарение на кој што лицето на еден човек може да се промени до непрепознатливост. Сето ова чини скромни 1 милион и 200 илјади долари.
Џексон снима и музичко парче со Лајонел Ричи во далечната 1985 година. Песната е “We are the world” и се претвора во инстант хит и дури во нешто како химна за борбата против гладот во Африка. Во видеото со Мајкл и Лајонел пеат точно 50 ѕвезди.
Еден од рекордно најскапите музички спотови повторно му припаѓа на Џексон – се работи за парчето “Scream”, што пак е во дует со Џенет Џексон. Сумата потрошена од двајцата за ова видео е 7 милиони долари. И до сега “Scream” се смета како “најскапиот спот” некогаш направен. Веднаш по него рекордна е песната на Мадона “Die Another Day”, со тоа што нејзиниот музички спот чинел 6 милиони долари.
Се разбира, Мајкл Џексон има уште големи парчиња кои го заслужуваат целото ваше внимание.
