Набргу ќе се одржи аукција на предмети од мисиите Аполо. На истата ќе може да се купат доста интересни предмети поврзани со летовите кон Месечината. Ако имате доволно пари, ќе можете да купите и календар од Плејбој кој одлетал до природниот сателит, во првата мисија.
Овој лист од календарот од Плејбој, како шега бил испратен со првата Аполо мисија кон Месечината. Доколку сакате да го поседувате, ќе треба да се наддавате на аукцијата, а почетната цена е илјада долари. Делови од фотографијата се замаглени само на промотивните материјали, додека листот кој ќе го купите, ќе биде сосема автентичен.
Од останатите интересни предмети што може да се купат е американското знаме кое со мисијата Аполо 11 слетало на Месечината, заедно со Нил Армстронг, Баз Олдрин и Мајкл Колинс. Знамето е поставено на картон, на кој има автограми од сите тројца учесници во мисијата. Почетната цена е 2 и пол илјади долари. 
Доколку немате толку пари, ќе можете да си купите дел од контролните панели од уредите за тренинг, кои се користеле за подготовка на сите учесници во мисиите Аполо. [Space Auction: Own the Playboy Centerfold that Flew on an Apollo Mission]
