Здрав, вкусен и брз рецепт, за љубителите на слатките задоволства.
Состојки:
250 г. рендана тиква
3 лажички рендани кори од лимон
250 г. брусница
прстофат сол
250 г. путер
250 г. кафеав шеќер
5 јајца
350 г. брашно
125 г. мелени бадеми
2 лажици суво грозје
2 урми
кесичка прашок за пециво
125 мл. млеко
50 г. шеќер
Подготовка:
Изматете го путерот со кафеавиот шеќер и солта, додадете едно по едно јајце и миксајте додека не стане кремасто. Измешајте ги брашното, бадемите и прашокот за пециво и наизменично со млеко сипувајте во кремот од јајца.
Додадете тиква, урма и кора. Измијте ја брусницата и посипете шеќер. Обложете еден калап со фолија, распоредете ја брусницата, сипете тесто и печете во рерна на 180 степени околу 60 минути.
Оладениот колач извадете го од калапот, внимателно превртете го, отстранете ја фолијата, исечете на кришки и сервирајте.
