Конкурс за финансирање за проекти за културно наследство во Југоисточна Европа објави Фондот за културно наследство Хедли ЈИЕ (The Headley SEE Cultural Heritage Fund). Повикот е наменет за посветени организации од ЈИЕ да се вклучат во револуционерни проекти, фокусирани на зачувување и славење на културното наследство. Иницијативата претставува критички напор за зголемување на одржливоста, инклузивноста и регионалната соработка во секторот културно наследство.
Фондот очекува апликации од невладини организации и јавни институции кои делуваат во областите на зачувувањето на наследството и културна свест. Подобни апликанти се музеите, библиотеките, архивите и невладините организации од нашата земја, Албанија, Босна и Херцеговина, Бугарија, Хрватска, Грција, Косово, Црна Гора, Романија, Србија и Словенија.
Проектите мора да демонстрираат иновативни пристапи кон зачувување на наследството, со значајно вклучување на заедницата. Фондот дава приоритет на иницијативи кои ги вклучуваат локалните заедници, промовираат регионална соработка и разбирање, водат кон долгорочни одржливи подобрувања во секторот културно наследство и се реализираат во соработка со други подобни институции за наследство од регионот.
Фондот ќе поддржи проекти различни по обем до 5.000 евра за мали проекти и до 10.000 евра за поголеми иницијативи. Вкупното достапно финансирање за овој повик изнесува 34.000 евра. Успешните проекти мора јасно да ги артикулираат целите на проектот, предизвиците, методите и очекуваните резултати. Покрај тоа, тие треба да обезбедат детален буџет и финансиско планирање, а да започнат со имплементација во 2024 година.
Организациите кои се заинтересирани за аплицирање треба да поднесат своите предлози преку официјалната веб-страница на Фондот за културно наследство Хедли ЈИЕ најдоцна до 1 јуни. Комплетни детали за процесот на апликација, критериуми за подобност и упатства за финансирање се достапни на https://headleyseefund.org.
Фондот за културно наследство Хедли ЈИЕ се администрира од Балканска музејска мрежа. https://www.bmuseums.net. Фондот е финансиран од Headley Trust UK. За повеќе информации, Ве молиме контактирајте со Милена Милошевиќ Мициќ, координатор на фондот на milenija2901@gmail.com или +381631048346 или/и Аида Вежиќ, генерален секретар на Балканска музејска мрежа на aida.vezic@bmuseums.net или +38761214229.
