Ставете ги шеќерот и водата да зовријат, па додадете го маргаринот и мешајте додека се стопи.
Тргнете го садот од рингла и додадете ги кикиритките и 200 гр од бисквитите.
Смесата поделете ја на 2 дела. Во едниот додадете го остатокот од бисквитите, а во другиот додека е смесата уште врела изреднајте го црното чоколадо.
Во сад 20х20 распоредете ја рамномерно црната смеса.
Стопете го белото чоколадо со маслото и премачкајте врз првиот слој.
Откако ќе се здрви внимателно распоредете го светлиот слој со помош на лажицата без многу да притискате.
На крај стопете го и другото 100 грамско чоколадо со маслото и премачкајте најгоре.
Украсете со толчени кикиритки одозгора и оставете неколку часа или преку ноќ во фрижидер убаво да се здрви, па исечете го на коцки или штангли.
Јас го стопив чоколадото за црниот дел и смесата ми дојде помека од светлата, па требаше повеќе време за да се стегни пред да се доредат слоевите.
Доколку ви е полесно со обратен распоред и решите да почните со светлата смеса најдолу, сменете го и редоследот на слоевите со чоколада.
МОИ РЕЦЕПТИ
