Камала Харис сега е уверена дека ќе стане демократска кандидатка на претседателските избори во ноември, откако ја доби поддршката од повеќе од половина од делегатите во гласањето преку Интернет, соопшти партијата
Потпретседателката на САД Камала Харис, официјално го освои потребниот број делегатски гласови за да стане претседателски кандидат на Демократската партија и првата обоена жена на врвот на партиската листа, објави во петокот претседателот на Демократскиот национален комитет.
Номинацијата на Камала Харис се одржа преку виртуелно гласање.
Камала Харис сега е уверена дека ќе стане демократска кандидатка на претседателските избори во ноември, откако ја доби поддршката од повеќе од половина од делегатите во гласањето преку Интернет, соопшти партијата.
„Почестена сум што сум демократски кандидат за претседател на Соединетите држави“,
напиша таа во објава на социјалната мрежа Икс.
I am honored to be the Democratic nominee for President of the United States. I will officially accept the nomination next week.
This campaign is about people coming together, fueled by love of country, to fight for the best of who we are.
Join us: https://t.co/abmve926Hz
— Kamala Harris (@KamalaHarris) August 2, 2024
Харис официјално ќе ја прифати претседателската номинација на конвенцијата на демократите закажана за средината на август во Чикаго.
Тимот на кампањата на Харис објави дека во јули собрал донации од 310 милиони долари.
Јулискиот износ на демократите е повеќе од двојно повеќе од 138,7 милиони долари собрани од Доналд Трамп во истиот месец.
Со тоа Харис и Џо Бајден, актуелниот претседател кој се откажа од кандидатурата на ноемвриските избори, заедно собраа речиси милијарда долари донации, соборувајќи го рекордот за брзина на достигнување на таа сума.
