Во овој случај изгледа важи тоа дека интернетот го презема приматот над другите медиуми (во изумирање?) како магазините, музичките телевизиски канали и радиото. Денес интернетот им нуди повеќе моќ на своите корисници за тие да го развиваат својот музички вкус и да дојдат до нови информации. Еве неколку предлози како на интернет да откриете нова музика по ваш вкус.
Сервиси за препорака
Ваквите сервиси како Pandora, Rhapsody и Last.fm ви ја олеснуваат работата такашто тие го прават откривањето наместо вас. Според вашите омилени групи и песни и вашиот фидбек за она што ви се допаѓа, а што не, тие ги рафинираат и подобруваат нивните препораки.
Без разлика каков е вашиот став околу социјалните заедници, Мајспејс е златен рудник за некој кој сака да открие нова музика. Големите имиња како и малите, го користат Мајспејс за промовирање на својата нова музика, па, така, на профилите на вашите омилени музички артисти можете да ги слушните нивните нови, некогаш сé уште неиздадени, траки, а можете да откриете и многу нови имиња во нивната листа на пријатели, кои најчесто се музичари.
Што се однесува на Твитер, се повеќе музичари и други луѓе поврзани со музиката го користат овој сервис за да ги споделат своите мисли за музиката која ја слушаат. Луѓе како Questlove од The Root или Sasha Frere-Jones кој пишува за The New Yorker.
Големите музички магазини како Rolling Stone и The Source, кои порани беа влијателни и почитувани заради
нивниот вкус или начинот на пишување сé повеќе се комерцијализираат. Заради тоа музичките конзументи се свртија кон музичките блогови како (поголемите и попознатите) Pitchfork, Stereogum , Gorilla vs Bear и (оние помалите) The Fader, Xlr8r , Valerie кои секогаш се со поглед напред во она што е следно во музиката наместо она што е актуелно.
Разгледувањето и откривањето нова музика на овие веб страници одзема многу време, такашто потребно е да сте вистински посветен музички фан за да се зафатите со тоа.
