Статистиката за меѓусебните асистенции официјално се евидентира од сезоната 1997/98, а Јокиќ и Мареј се првите соиграчи што ја надминале границата од 1.000.
Јокиќ беше блиску до трипл-дабл и натпреварот го заврши со 26 поени, 10 асистенции и осум скока, со три украдени топки. Мареј постигна 23 поени, запиша девет асистенции и седум скока, а имаше и две блокади.
За Њу Орлеанс најефикасен беше Зајон Вилијамсон со 24 поени. Денвер клучната разлика ја направи на почетокот на последната четвртина, кога поведе со 95:82, по што го приведе натпреварот до крај.
Денвер е на седмото место во Западната конференција со седум победи и четири порази, додека Њу Орлеанс е 12. со биланс од четири победи и 10 порази.
