Доза на иронија во исходот од денешната одлука на скопска Апелација да ја ослободи екс-специјалната јавна обвинителка од притвop и мерката да ѝ ја замени со домашен притвор, кој Јанева ќе го издржува во станот на синот Лазар, дознава „Телма“.
Иронијата, прво, е во тоа што станот е еден од трите кои Јанева ги понуди како гаранција при претходното барање за замена на притворот со домашен притвор, барање кое од Кривичниот суд ѝ беше одбиено, а овојпат е прифатено без гаранција. Второ, од минатата недела и нејзиниот син е обвинет за рекет, не од обвинител, ама од Камчев, откако бизнисменот поднесе кpивична пријава за Јанева и групата што ја организирала за да му изнyдyва пари, во која, според Камчев, вклучен бил и синот Лазар Јанев.
При одлуката за домашен притвор за Јанева, Апелациониот суд го имал во предвид и имотниот лист од станот, како и околностите дека може да биде обезбедена од дома. Одлуката на Апелација е донесена на основа на тоа што истражната постапка е завршена и има обвинение за „Рекет“, во комбинација со нapyшената здpaвствена состојба на Јанева.
Притоа, изречени се мерки на претпазливост. На Јанева ѝ е одземен пасошот и има забрана за добивање на нов, а забранет ѝ е и излез од државата со лична карта. Освен тоа, Јанева доби и забрана за комуникација со други инволвирани во случајот „Рекет“.
Судењето треба да почне на 3 декември.
