Не е тајна дека Џорџ Лукас е богат маж. Тој поседува на својата банкарска сметка 5,1 милијарди долари, односно побогат е за 1,6 милијарди долари од својот колега Стивен Спилберг, а побогат е и од самата Опра Винфри.
Она што ја разликува акумулираната состојба од таа на другите милијардери во светот, е дека богатството на Лукас се должи на само една идеја: Војна на ѕвездите. Всушност, проектите на Џорџ како режисер се сосема малку. Технички гледано, тој има режирано само 6 филмови во текот на целата кариера. Четири од нив се поврзани со Војна на ѕвездите. За споредба, Стивен Спилберг режирал над 30 различни филма. Дел од нив се претворија во ленти на кои човештвото секогаш ќе се сеќава.
Тогаш, како Џорџ Лукас успеа да генерира толку огромна сума на пари само од еден филм?
Сè се врти околу едно едноставно, но неверојатно брилијантно решение. Решение за милијарди долари направени во 1973 година … Во тоа време Лукас е меѓу луѓето во Холивуд, кои се обидуваат да го пронајдат својот пат во кариерата. Неговото режисерско деби е во 1971 година – THX 1138. Во него учествува Роберт Дувал. Дејствието се одвива во футуристички свет каде роботи андроиди го контролираат општеството. Следниот филм на Џорџ е од 1973 година – “Американски графити”. За разлика од претходниот филм, овој забележува успех. Филмот се претвора во еден од најпрофитабилните во тоа време, заработувајќи сума од 200 милиони долари. Уште во 1971 година на Џорџ Лукас му паѓа на памет идејата за филм, кој се развива во вселената. Тој работи на сценариото во текот на наредните 2 години. По беспрекорниот успех на “Американски графити” Лукас се покажува во најдобра позиција за преговори за следен филмски проект. Во тоа време еден од извршните директори на студиото 20th Century Fox Алан Лад Џуниор е вљубен во “Американски графити”, но идејата за “Војна на ѕвездите” му е сосема нејасна. Иако мислењето на другите директори во студиото дека новиот проект нема да жнее успех, Лад му обезбедува на Лукас буџет од над 8 милиони долари. Финалниот буџет достигнува до 11 милиони долари.
Студиото му нуди на Лукас покачување на платата од 150 000 долари на 500 000 долари. Режисерот сепак го отфрла овој предлог и става на дискусија друго. Тој избира да добие помалку пари како плата, но под два услови:
1. Сите права по ширењето на филмот остануваат негови.
2. Негови остануваат и правата, во случај да следат продолженија на “Војна на ѕвездите”.
Колку и неразумно да звучи денес, во тоа време за студиото ова решение било повеќе од прифатливо. Во 1967 година Fox претрпуваат неуспех со дистрибуција на “Д-р Дулитал”, па идејата за евентуален неуспех им се чини многу поволна. Освен тоа, во овие години ширењето на филмови не било она што е денес. Така Џорџ Лукас потпишал договор за плата од 150 000 долари и со тоа ги ставил во џеб правата за “Војна на ѕвездите”.
Нема потреба да ви спомнуваме колку успех добива филмот, кога е пуштен на екраните во 1977 година. “Војна на ѕвездите” е вториот по приходи филм во историјата. За 6 недели филмот заработува 220 милиони долари само во САД.
Огромната состојба на Џорџ Лукас, сепак не доаѓа од гледањето на филмовите низ целиот свет. Помеѓу 1977 и 1978 година “Војна на ѕвездите” продава играчки во вредност од 100 милиони долари. 35 години подоцна од продажба на сувенири се генерирани 12 милијарди долари! Акумулираните пари поради продажба на стоки поврзани со “Војна на ѕвездите”, продолжуваат со полна пареа.
Во 2012 година Дизни му плати на Џорџ Лукас 4 милијарди долари, за да ги откупи од него сите франшизи. Поуката од оваа приказна? Без да ги поседува правата над филмот, Лукас би бил еден од многуте режисери, кои треба да прават десетици филмови, за да се радуваат на завидно богатство. Со едно брилијантно решение тој успева да создаде филм, кој никогаш нема да излезе од срцата на милионите обожаватели низ целиот свет. Заклучокот? Ако верувате во идејата, никогаш не се откажувајте од правата врз неа!
