Одличниот смартфон HTC One се појави некаде на почетокот на година, а главна цел на тајванската компанија беше да го лансира на пазарот својот најголем адут пред промоцијата на Samsung Galaxy S4 и во тоа делумно успеa, но не доволно за целосна победа.
Сепак HTC може да се пофали дека е „моралниот“ победник во приказната благодарение на бројните признанија од многу доделувања на награди за мобилната индустрија. Последното признание е од магазинот Mobile Choice кој му ја додели наградата на најдобар телефон на годината на HTC One.
HTC има причини за задоволство бидејќи во речиси сите критики, рецензии и оценувањa HTC One забележуваше пофални зборови и подобри резултати од Samsung Galaxy S4, кој во директната споредба најмногу заостанува со пластичниот и далеку послаб квалитет во однос на премиум материјалите кои ги употреби HTC.
Добрите оценки за жал не помогнаа премногу во директната продажба бидејќи купувачите и понатаму имаат поголема доверба во Samsung и нивниот најдобар смартфон Galaxy S4.
Текстот е објавен во соработка со telefoni.com.mk
