Grooveshark е огромна онлајн музичка библиотека која на своите корисници им овозможува бесплатно преслушување музика и креирање на плејлисти. Највпечатлива карактеристика на овој музички сервис е системот за препорака кој се базира врз индивидуалниот вкус на самите корисници и можноста музиката да се споделува на социјалните мрежи како Фејсбук или Мајспејс и на други веб страници со директно линкување на песните или преку креирање мали музички плеери. На Grooveshark се стримуваат 50 до 60 милиони песни месечно, моментално има повеќе од 400.000 корисници, а таа бројка секој ден станува се поголема.
