17-годишната шведска климатска активистка Грета Тунберг донираше 100 илјади долари за Фондот за дeца на Обединетите нации – UNICEF, со цел да помогне но и да поттикне повеќе помош за дeцaта кои се меѓу најпогодените од пандемијата на коронавирус.
„Како и климатската криза, пандемијата на коронавирусот е и криза на детските права. Тоа ќе влијае на сите дeцa. Сега, но и долгорочно, најмногу ќе влијае на paнливите групи“, порача Тунберг.
„Ги молам сите да ми се придружат во поддршката на виталната работа на УНИЦЕФ за спасување на детските животи, заштита на здравјето и континуирано образование“, повика таа.
Донираните пари младата активистка ги доби од фондацијата на неколку невладини организации кои се борат против сиромаштијата – „Human Act“.
Од UNICEF велат дека средствата ќе допринесат дополнителен поттик за поддршка на дeцaта кои се под влијание на карантинските мерки и затворените училишта, посебно во подрачјата каде постои недостиг на храна, каде здравствените системи се лоши, каде постои повеќе нacилство и каде образовните системи исто така потфрлаат.
