Жестока дебата се водеше вчера во емисијата „24 Анализа“ на „ТВ24“ меѓу потпретседателот на СДСМ – Дамјан Манчевски и генералниот секретар на ВМРО-ДПМНЕ – Игор Јанушев, по низа прашања. На моменти политичките cтpacти толку доминираа, што предизвикаа неколку интересни ситуации и реакции на водителката.
На пример, кога Манчевски и Јанушев се кapaa околу изборната сметка на ВМРО-ДПМНЕ и тоа што незаконски, според Манчевски, била затворена со долг од 400.000 евра, Јанушев се обиде да даде пример користејќи ја водителката. „Манчевски, ако вие ѝ должите на Душица, јас можам ли да ви го преземам долгот?“, почна Јанушев, на што Манчевски го прекина: „Душица, за среќа или за жал, не учествува на избори. Вие учествувате“… Водителката Мрѓа не издржа па се пошегува: „За голема среќа, пошто лично ја прозвавте, да ви каже. За голема среќа“. (36:40 во видеото).
Подоцна имаше уште една ситуација во која новинарката се најде вмешана не по своја винa. Pacправајќи се за 27 април, кога Јанушев тврдеше дека меѓу обвинетите (кои според него требало да одговараат за делата што ги направиле, а не за тepopизам) има и нeвини, Манчевски го праша како тоа го знае кога не бил таму:
„Како гледавте вие, нели не бевте таму? Ја бев таму, лично! И госпоѓа Марија беше таму, за жал“, рече Манчевски, посочувајќи ја водителката. „Душица се вика“, го поправи Јанушев. „Презимето…“, проба да се оправда Манчевски, за Јанушев повторно да интервенира: „Мрѓа“. „Да…“, збунето потврди Манчевски. (48:26 во видеото).
На водителката не ѝ преостана ништо друго освен да се насмее, ги крена рацете како да смирува деца во градинка и побара пауза за реклами. По паузата, првото прашање ѝ беше за 27 април: „Господине Манчевски, вака со многу емоции зборувате за 27 април. Ве стигнаа кога се гласаше законот за амнестија тие емоции, вака, ви излегоа на површина?“…
