Фоторепортажа: Струга

Доколку немате можност да заминете на одмор некаде надвор од Македонија, ви ја препорачуваме Струга за одмор или викенд во кој ќе избегате од горештините. Во ова туристичко место има доста топол прием на гостите, одлични плажи, интересни места за релаксација и места за забава.

Доколку немате можност да заминете на одмор некаде надвор од Македонија, ви ја препорачуваме Струга за одмор или викенд во кој ќе избегате од горештините. Во ова туристичко место има доста топол прием на гостите, одлични плажи, интересни места за релаксација и места за забава.

Оваа приказна започнува со кусата посета на пештерската црква св. Екатерина која се наоѓа над св. Еразмо, веднаш спроти кампот „Андон Дуков“.

Доколку планирате да го посетите ова интересено место, подобро тоа да го сторите наутро или преку ден, кога се присутни служителите во црквите, зашто во спротивно ќе можете само да сликате преку решетките и да ја погледнете восхитувачката глетка над езерото.

При качувањето кон пештерската црква, препорачано е да тргнете по подолгиот пат, т.е. преку дворот на црквата св. Еразмо. Можеби мислите дека времето е скапо, но повеќе време ќе ви одземе туширањето доколку тргнете по покусите скали, со оглед на тоа што ќе добиете чувство како да сте поминале низ мочуриште или прашума.

Последното нешто што треба да го знаете пред да се вратите во Струга е дека тарифите на охридските таксисти се менуваат според расположението (или според времето од денот), а таксиметарот е апстракт. Па така, вообичаената тарифа од Струга до Охрид (и обратно) е 200 денари. Но, по 22 часот, истата оди на 400 денари, а објаснувањето од таксистите е дека тогаш имало помалку луѓе?!

И оваа година, плажите во Струга се добро уредени и полни, во најголем дел од времето (и покрај известувањата од некои медиуми). Доколку не сакате гужви, можете да тргнете во насока на Еврохотелот и да си одберете некоја од плажите на кои има едвај по неколкумина.

Изненадувачки, цените во Струга се доста разумни како за туристичко место. Храната и пијалаците се во просек 20% пониски од оние во Скопје, на пример.

Оваа година во градот има многу повеќе кафулиња во кои можете да седнете и да се напиете нешто. Голем дел од нив се покрај реката Дрим и на некои од плажите, како и на градското пливалиште. А што има подобро од утринското кафе да го испиете крај вода?

Добрата работа во овој град е што доколку не сакате да одите на плажа или на кафе, можете едноставно да тргнете во прошетка. Целиот град можете да го свртите за еден час, со многу убави места кои можат да се видат попатно.

Најпознатото место во Струга и натаму останува местото каде што Дрим истекува од Охридското Езеро.

Чаршијата е полна како и секогаш.

Кафе покрај водата

И ланската безбедност…

…е подигната на повисоко ниво.

Сепак, слоганите не им се посилна страна.

А преводите на англиски и натаму се генијални!

Па, ако сакате да си поминете релаксирани неколку дена, а притоа да ви остане некој денар кога ќе се вратите дома, ви ја препорачуваме Струга за вашиот одмор или викенд.