До официјалното претставување на Nexus 5 остануваат помалку од 24 часа и овој смартфон е најлошо чуваната тајна во историјата на мобилната индустрија.
Можеби тоа е и тактиката на Google кој искористи огромна бесплатна реклама со пуштање во јавноста на бројни слики и информации кои ја подгреваат возбудата за новиот смартфон.
Сега се појавија и првите вистински слики од Nexus 5 објавени од страна на вработени во Google кои не се грижеа да ги споделат со јавноста. Од тоа што може да го видиме само се потврдува дизајнот на Nexus 5 кој е многу квалитетен, а задната страна е обложена со гума како што се претпоставуваше.
Што се однесува на неговите компоненти може да се потврди поголемиот екран од 5 инчи најверојатно со Full HD резолуција, а се појавија и првите резултати од тестовите за перформанси, каде Nexus 5 се пласираше меѓу најдобрите уреди на пазарот.
Текстот е објавен во соработка со telefoni.com.mk
