Македонската атлетичарка Ева Митевска оствари историски успех на Младинските олимписки игри во Дакар, Сенегал, пласирајќи се во финалето на трката на 100 метри.
Во полуфиналната трка, Митевска го освои четвртото место со резултат од 12.58 секунди, обезбедувајќи пласман меѓу деветте најдобри финалистки во конкуренција на атлетичарки под 18 години.
Во големото финале, нашата репрезентативка истрча 12.28 секунди и го освои осмото место. Иако резултатот беше постигнат со ветер од +2.4 m/s, над дозволената граница за официјално признавање, настапот претставува исклучително вредно остварување на најголемата светска сцена за млади спортисти.
Атлетската федерација на Македонија изрази голема гордост од постигнатиот успех и упати искрени честитки до Ева Митевска и нејзиниот тренер за достојното претставување на Македонија.
