Жена загина откако вчера на божиќниот саем во градот Однаарде во Белгија, на околу 50 километри западно од Брисел, врз неа паднала елка висока 20 метри, објавија тамошните медиуми.
Градоначалникот на Оденаарде, Марник Де Меулеместер изјави дека обилните дождови и силните ветрови го урнале огромното дрво. Елката паднала врз три лица, од кои една жена (63) поради тешките повреди, набргу починала в болница.
Според очевидци, дрвото силно се нишало на ветрот пред да падне долу.
Не е јасно дали огромното, празнично украсено дрво било лошо обезбедено. Местото на несреќата е опколено, а надлежните вршат увид.
A tragic incident unfolded in Oudenaarde, Belgium, as a pensioner lost her life under a fallen Christmas tree. The tree, collapsed due to a powerful gust of wind, injuring 3 individuals. Unfortunately, the elderly woman succumbed to her injuries in the hospital.
Source: 360tv pic.twitter.com/cHjz7xb2jo
— godfather (@Truthgodfather) December 22, 2023
