Салатата од зелка е одличен прилог, но и како ужина во овие топли денови. Убаво освежува, а полна е со витамини.
Сите ги знаеме состојките кои се ставаат во зелка салата и убедени сме дека не постои тајна во процесот на зачинување на салатата.Сепак, не е баш така.
Постои една „тајна“ состојка која на вашата салата од зелка ќе и даде неверојатен вкус.
Станува збор за – шеќер, како што пишува “Tasting table“.
Значи, покрај маслото и оцетот, чиј редослед се додава во салатата е многу важен, како и сол, додадете прстофат шеќер.
Ова е рецепт за зелка салата што ќе сакате да го правите редовно.
Состојки за зелка салата:
1 мала главица зелка
маслиново масло
оцет
сол
малку бибер
малку шеќер
Подготовка на салата од зелка:
Добро исчистете ја зелката од лошите листови, измијте ја под млаз вода, па исечкајте ја.
Истурете го маслото, па оцетот, солта, малку бибер и на крајот шеќерот, па убаво измешајте за се убаво да се соедини. Оставете да отстои малку да се соединат сите состојки, барем половина час, колку да омекне зелката.
Слободно изгмечете ја со раце бидејќи така салатата ќе биде повкусна.
Доколку има многу течност во салатата, процедете и готова е за консумирање.
