Од фотографиите што ги пренесуваат хрватските медиуми може да се види дека целосно се изгорени три автомобили, еден бил опожарен, а изгорени и неколку резервоари со гориво
![](https://365.com.mk/wp-content/uploads/2024/09/pozar-benzinska-Hrvatska2.jpg)
![](https://365.com.mk/wp-content/uploads/2024/09/pozar-benzinska-Hrvatska2.jpg)
Едно лице е загинато, а неколкумина се тешко повредени откако попладнево автомобил удрил во пумпа на бензинска станица во близина на Омиш, на автопатот Загреб-Плоче во правец на Дубровник, пренесуваат хрватските медиуми.
Според директорот на Одделот за итни служби на сплитската клиничка болница, три лица се пренесени во установата со тешки телесни повреди, а дека животот на едно лице е во опасност.
Од фотографиите и информациите што ги пренесува индекс.хр може да се види дека целосно се изгорени три автомобили, еден бил опожарен, а изгорени и неколку резервоари со гориво.
Хрватскиот министер за внатрешни работи Давор Божиновиќ изјави дека пожарот избувнал околу 17:45 часот на бензинската пумпа во одморалиштето Мосор, кое се наоѓа во близина на Омиш.
„За жал, се чини дека едно лице загина, а неколку се повредени, три лица се пренесени во болницата во Сплит“,
изјави Божиновиќ, пренесува телевизијата Н1.
Тој рече дека возилото удрило во пумпата за гориво и оти пожарот е ставен под контрола.
Во гаснењето учествувале осум пожарникари и пожарот бил изгаснат за околу 15 минути, но целата акција за гаснење траела околу еден час.
Според информациите, сообраќајот на автопатот се одвива без застои.