Оваа година, по првпат на новата локација Кафе Станица, фестивалот ќе понуди богата програма исполнета со книжевни разговори, промоции, натпревари и музички настапи, во кои ќе учествуваат десетина странски гости и дваесетина учесници од Македонија. Дел од програмите ќе се одржат во Јадро и Ла Кања. Особено значајно е што пред само еден месец беше организирана кампања за собирање финансиски средства, која овозможи фестивалот успешно да се одржи и годинава, покажувајќи ја посветеноста на заедницата кон промовирање на независната литература и култура.
Организиран од книгоиздателството „Темплум“, „Друга приказна“ продолжува да биде платформа за дијалог и размена на идеи, поддржувајќи ги гласовите на малите издавачи и автори.
ПРОГРАМА
Петок, 30 август
КАФЕ СТАНИЦА (Ленинова 64а)
19.00.
– „30 години Маргина, 15 години Окно“; со Никола Гелевски разговара Александра Бубевска
– Промоција на првите пет тома (25 мали книги) на новата едиција OK.NO.
21.00.
– „Овде паѓаат крупни зборови“
Книжевен натпревар со мали фикции, на тема: „Туѓо тело“; учествуваат: Ѓурѓица Чилиќ, Маријана Чанак, Томислав Марковиќ, Будимка Поповска, Хана Корнети и уште десетина писател(к)и од Македонија и регионот; водител: Владимир Лукаш
Сабота, 31 август
ЈАДРО (Алберт Ајнштајн 2)
од 12.00. до 17.00.
– Отворена работилница за современ вез, „Текстилен весник“, со Милица Дукиќ (Нови Сад/Краљево)
КАФЕ СТАНИЦА
19.00.
– Разговор со Адел Зиад (Назарет); водител: Артан Садику
– Промоција на Маргина # 96 (посветена на Палестина; промотор: Здравко Савевски)
20.00.
– „Што нам ни значи Палестина?“, разговор
Јерко Бакотин (Сплит), Сара Миленковска, Никола Гелевски, Артан Садику; водителка: Фросина Крушкаровска
21.30.
– Вечер на лауреатот – Семездин Мехмединовиќ (разговор; водител: Никола Гелевски)
22.30.
ЛА КАЊА (Стара чаршија)
– Музичка програма: Дуда Буржујка и Хана Корнети
Недела, 1 септември
ЈАДРО
17.00.
– Изложба/презентација
Милица Дукиќ: „Текстилен весник“
КАФЕ СТАНИЦА
18.00. до 20.30.
– Серија разговори со писател(к)и
Ѓурѓица Чилиќ (Загреб), Маријана Чанак (Суботица), Томислав Марковиќ (Белград), Јерко Бакотин (Сплит), Дуда Буржујка (Ниш)… Водителки: Калина Малеска, Љупка Евроска…
21.00.
– „Каде припаѓам?“
Промоција на книга произлезена од конкурс за стрип на Хера и Темплум, и доделување на наградите на Луција Давиткова, Гаја Смилевска и Сара Ангеловска
