Дали новиот BlackBerry Torch е пропадната инвестиција?

гаџетиОткако BlackBerry го најавија новиот BlackBerry OS6, веднаш се очекуваше уред што ќе работи на него. Малкумина имаа можност да ја разгледаат демо верзијата на овој оперативен систем, и од тоа што беше прикажано никој не беше воодушевен. Сега останува да видиме дали новиот BlackBerry Torch ќе успее да остане на нозе и да напредува во свет каде што технологијата не напредува полека со мали чекори туку со огромни скокови.


Откако BlackBerry го најавија новиот BlackBerry OS6, веднаш се очекуваше уред што ќе работи на него. Малкумина имаа можност да ја разгледаат демо верзијата на овој оперативен систем, и од тоа што беше прикажано никој не беше воодушевен. Сега останува да видиме дали новиот BlackBerry Torch ќе успее да остане на нозе и да напредува во свет каде што технологијата не напредува полека со мали чекори туку со огромни скокови.

Да погледнеме што има овој телефон да понуди:
Хардвер
hardware2
Неговиот надворешен изглед на прв поглед е сличен на секој друг BlackBerry телефон. Има лизгач со целосна QWERTY тастатура, нешто што го користат како технологија веќе 2 години, во комбинација со екран на допир. Пишувањето на оваа тастатура, како и на претходните модели, е претешко заради минијатурните копчиња. Иако на допир изгледа доста цврсто и убаво, овој дебел, гломазен дизајн е престар во споредба со другите телефони денеска кои се тенки и лесни за држење.
Од внатрешна гледна точка, Torch доаѓа со 512 мегабајти RAM меморија, 4 гигабајти вградена меморија и место за картичка до 32 гигабајти. Процесорот што го користи е истиот од неговиот претходник BlackBerry Bold 9700, засилен на 624 мегахерци. Резолуцијата е разочарувачки помала за денешно време, со само 480х360 дисплеј, а 5 мегапикселната камера со блиц не дава толку чисти слики како што се очекуваше од неа. Дополнително, сè уште не подржува снимање на HD видеа – опција која ќе има голема побарувачка наскоро.

Звучник и квалитет на повик
hardware
Како секој BlackBerry телефон и Torch знае како да се снајде на ова поле. Повиците се стабилни и чисти, а нивното воспоставување е едноставно без никакви компликации од страна на софтверот или позицијата на копчињата. Исто така, нема никаков проблем со антената која знае многу добро да фати сигнал.

Софтвер
software
Се разбира, не можеме да го оцениме овој уред само заради неговиот хардвер – вистинската приказна започнува од неговиот нов оперативен систем – BlackBerry 6. Иако не делува толку радикално како што сите се надеваа, овој оперативен систем има огромни промени кои делуваат како да се ставени со сила само за да ги исполнат сите оние дупки кои биле проблем за сите BlackBerry телефони до сега. Позитивно е што изгледот на менијата е комплетно изменет. Во претходните верзии за да се стигне до нешто, требаше да се помине низ многу менија. Сето тоа сега е олеснето со моќен универзален пребарувач и пристап до социјалните мрежи (Facebook, Twitter) со само еден клик. Лошо е што повеќето апликации не функционираат на оваа верзија и корисниците ќе треба да чекаат на нивна надградба пред да почнат да ги користат.

Општо
Ако сакате целосно да го разгледате овој уред, погледнете го видеото подолу.
{youtube}qz1afXSFicg{/youtube}
На крај, иако Torch е голем напредок во споредба со неговите претходници, тој не нуди ништо ново и иновативно. Тој е гломазен и нема никаква внатрешна сила. Можете многу лесно да најдете подобра алтернатива, во секој можен аспект, за помалку пари. Ако сакаме Torch да го наречеме најдобриот BlackBerry телефон до сега, нема многу да згрешиме. Но реално, најдоброто од BlackBerry не е ни приближно добро да им конкурира на iPhone и Android телефоните на денешницата. [BlackBerry Torch review]
- Реклама -

ПОВРЗАНИ НАПИСИПОВЕЌЕ ОД АВТОРОТ