Единствен хотел за гејмери е отворен во холандскиот главен град Амстердам. Во сите 36 соби на The Arcade Hotel има ретро-конзоли поврзани со телевизори и колекции на игри, јавува TechNews.
Дизајнерите поставиле конзоли за игри и во ходниците на хотелот за уште поголема удобност на гејмерите, во прилог на списанија со стрипови и пијалоци. Во пракса, тоа не е типичен хотел, туку рај за гејмерите во кој тие можат да учествуваат и на турнири.
„Сакав да создадам место во кое туристите и гејмерите ќе се чувствуваат како да се наоѓаат во домот на пријател“, изјави сопственикот на хотелот Даниел Салманович.
Искуството во The Arcade Hotel чини 38,25 евра на ноќ во соба за еден. Во иднина хотелот ќе го прошири бројот на собите до 45 и ќе отвори голема соба за мултиплеј.
