Очигледно е дека сонот е многу корисен и важен дел од животот, не само за здравјето, туку и за убавината. Како сепак да се избориме со проблемите со несоницата или немирното спиење? Ви нудиме неколку совети за мирен и добар сон:
Направете листа со задачите за следниот ден, пред да си легнете
Не секој го има овој проблем, но некои од нас не можат да престанат да мислат на утрешните обврски и тоа им пречи да заспијат. Затоа, направете листа која содржи се што ви паѓа на памет дека треба да направите следниот ден – така вашиот ум ќе се смири.
Креирајте рутина
Легнувајте си во одредено време и станувајте наутро, речиси секогаш во истото време. Иако тоа кај вас значи станување со будилник, подобро така, отколку да го шокирате организмот со различен час на станување секој ден. По некое време ќе се ослободите од будилникот, бидејќи сосема ќе се навикнете да станувате секојдневно во истото време.
Отворете го прозорецот
Отворете го прозорецот за да ја проветреете просторијата навечер, освен ако не сте чувствителни на бучава и светлина.
Правете вежби!
Дури и обичната прошетка навечер ќе влијае позитивно на сонот во текот на ноќта. Ако немате време за прошетка, направете малку вежби пред спиење.
